Kreu i PD Lulzim Basha ka reaguar për herë të parë pas publikimit të listave të deputetëve për zgjedhjet e 25 Prillit.
Për Bashën lista fituese do të jetë ajo e PD dhe LSI. Lideri demokrat tha se prej ditës së djeshme ka marrë mijëra mesazhe nga simpatizantë dhe mbështes demokratë.
Gjithashtu në fjalën e tij, Basha komentoi dhe emrat e deputetëve nga listat e PS. Ai veçoi tre emra, që sipas Bashës ishin problematikë.
“Pa largimin e Edi Ramës nuk ka ndryshim, sepse njësoj siç ka ndryshuar diçka në jetën e tij edhe lista e tij është fasadë, pas të cilës janë këta njerëz. Diku edhe nuk i ka shpëtuar dot mundësinë për të ngritur një fasadë, kudo ndihet dora e krimit, mjafton të shohim qarkun e Durrësit kandidatin e Avdylajve, Çyrben e famshëm të përgjimeve të Bildit, kandidatin e bandave të tjera të Shijakut edhe të Durrësit, Ndrazhen gojëkyçur dhe natyrisht Rrahman Rrajen, emër i njohur edhe ndërkombëtarisht.”, tha Basha.
Pjesë nga biseda:
”Edhe unë kam marrë me dhejtëra e qindra mesazhe, shumicat s’kam hapur t’i lexoj. Konstatimet kanë të bëjnë me udhëtimin që nisëm dje me listën e PD.
Listë ndryshimi, lsitë fitoreje, lsitë për normalitetin. Për t’i dhënë fund ngecjes 8-vjeçare të Shqipërisë. Me përkushtim të vërtetë qytetar, me ndërthurje, sukses profesional dhe dëshirës.
Këto kanë qenë dhe kriteret e procesit transparent. Kanë marrë pjesë mijëra kandidatë, demokratë. Dua t’i falënderoj. Janë tregues i potencialeve që PD disponon. Janë në funksion të ndryshimit që po vjen. 25 prilli do jetë dita e nisjes së ndryshimit. Në takimet që kam bërë, gjatë gjithë këtyre ditëve, gjatë javës së ngarkuar të hartimit të listave.
E shoh dëshirën për ndryshim të shqiptarëve, nuk e fsheh dot askush, madje as shprehjet dhe fytyra e atij që është dhe simbolizon të keqen dhe problematikën. Nuk e kam fjalën vetëm për sot, se sot ka pasur dhe arsye të tjera. Mos merremi me të, edhe fare.
Ju shpreh se me listën e miratuar dje PD së bashku me aleatët dhe LSI finalizojnë hapat e fundit përgatitorë dhe nisim marshimin drejt 25 prillit. Ditës së ndryshimit, bashkë për ndryshimin, bashkë për fitoren. Të çdo shqiptari. Ky ka qenë motivi, dhe kjo është e vërteta që përshkon listën e PD në çdo qark nga fillimi deri në fund. Problemet e vendit janë shumë të mëdha. Janë përkeqësuar nga viti në vit.
Pa largimin e Edi Ramës nuk ka ndryshim, sepse njësoj siç ka ndryshuar diçka në jetën e tij edhe lista e tij është fasadë, pas të cilës janë këta njerëz. Diku edhe nuk i ka shpëtuar dot mundësinë për të ngritur një fasadë, kudo ndihet dora e krimit, mjafton të shohim qarkun e Durrësit kandidatin e Avdylajve, Çyrben e famshëm të përgjimeve të Bildit, kandidatin e bandave të tjera të Shijakut edhe të Durrësit, Ndrazhen gojëkyçur dhe natyrisht Rrahman Rrajen, emër i njohur edhe ndërkombëtarisht.”
