Hajdari takim me ambasadoren gjermane: Modeli i vjetër politik nuk përfaqëson qytetarët

Google+ Pinterest LinkedIn Tumblr +

Një takim të rëndësishëm ka pasur ditën e sotme deputetja Rudina Hajdari me Ambasadoren e Gjermanisë në Tiranë, Sussane Shutz. Nëpërmjet një postimi në rrjetin e saj social, Facebook, Hajdari ka thënë se shqetësim për situatën në vendin tonë kanë edhe ndërkombëtarët, pasi rrezikohen shumë balanca në rast se vazhdohet kështu.

Sipas saj vendi nuk mund të vazhdojë me modelin e vjetër politik, i cili nuk përfaqeson qytetarët, por vetëm qeveritarët.

“Është e papranushme që politika në tërësi të vazhdojë me modelin e vjetër që nuk përfaqëson aspak qytetarët Shqiptarë, aspiratat, qëllimet dhe vlerat e tyre. Dorëzimi në bllok i mandateve nga ana e opozitës nuk është zgjidhje ashtu siç nuk është aspak zgjidhje arroganca qeveritare. Sjellja e politikës Shqiptare sot është modeli më i keq i mundshëm që po i ofrojmë qytetarëve Shqiptarë dhe sidomos të rinjëve. Nuk mund të rrimë duar-kryq dhe të presim që ky ngërrç i paprecedent politiko-institucional të zgjidhet vetë”, shkruan ndër të tjera Rudina Hajdari.

Shpërndaje
Share.

Komento