Një ngjarje e rëndë është regjistruar mbrëmë në fshatin Pllanë të Lezhës, ku një i ri nga Mirdita, hodhi një granatë në shtëpinë e vjehrrit.
Edhe pse i hoqi siguresën, për fat të mirë granata nuk shpërtheu.
Policia bëri menjëherë arrestimin e shtetasit P.D., i cili kishte problem prej kohësh me bashkëshorten.
Ndërkohë forcat xheniere bënë shpërthimin e kontrolluar të granatës.
P.D. ushtronte prej kohësh dhunë ndaj gruas dhe duke u gjendur në këto kushte, kjo e fundit e kishte denoncuar, gjithashtu kishte marrë edhe urdhër mbrojtjeje.
Materialet proceduriale iu referuan Prokurorisë së Lezhës për veprime të mëtejshme.
