fbpx

Greva e kontrollorëve/ Reagon Eurocontrol: Po ndjekim nga afër situatën

Google+ Pinterest LinkedIn Tumblr +

Autoriteti Europian i Kontrollit Ajror, Eurocontrol ka reaguar në lidhje me situatën e krijuar në aeroportin e Rinasit pas grevës së kontrollorëve. Në një deklaratë për televizionin A2 CNN, Eurocontrol ka thënë se është informuar për situatën në Shqipëri dhe për faktin që Autoriteti i Aviacionit Civil ka njoftuar për ndalimin e fluturimeve nga ora 10:00 e datës 7 prill, deri në orën 10:00 të datës 8 prill. Autoriteti nuk ka pranuar të komentojë hapat e marra nga autoritetet shqiptare.

“Rrjeti i Menaxherëve të “Eurocontrol” po e ndjek nga afër situatën, dhe jemi siguruar që asnjë avion me destinacion Aeroportin e Tiranës të mos niset nga zonat në përgjegjësinë tonë gjatë kësaj periudhe. Nuk mund të komentojmë hapat e marra nga autoritetet shqiptare”, ka thënë “Eurocontrol”.

Lidhur me situatën ka reaguar ditën e djeshme edhe Sindikata Europiane e Kontrollorëve Ajror e cila kërkonte rikthimin e pesë kolegëve të pushuar nga puna dhe rikthimin e pagesës në nivelet e parashikuara në kontratë. Sindikata i bënte thirrje qeverisë për dialog në zgjdhjen e situatës dhe heqje dorë nga qasjet totalitare.

Pas grevës së kontrollorëve 3 prej tyre u arrestuan, ndërsa më parë policia kishte shoqëruar 24 të tjerë. Flora Ndreca, Muhir Mezini dhe Armando Fezga janë personat që janë arrestuar dhe akuza që rëndon ndaj tyre është ajo e shpërdorimit të detyrës.

Shpërndaje
Share.

Komento