fbpx

Peleshi: Ministria e Mbrojtjes nuk do të ndërhyjë, vazhdojmë me punën rutinë

Google+ Pinterest LinkedIn Tumblr +

Ministri i Mbrojtjes Niko Peleshi, me anë të një deklarate për mediat, duke folur për protestën e kontrollorëve në aeroport, deklaroi se Ministria e Mbrojtjes nuk ka ndërmend të marrë rol më tepër se rutina.

“E theksoj edhe njëherë tjetër, Ministria e Mbrojtjes dhe Forcat e Armatosura as nuk kanë marrë e as nuk kanë ndërmend të marrin ndonjë rol më tepër, nga ajo që bëjnë rutinë në aeroport, si pjesë integrale e tij. Këtë ka bërë dhe këtë po bën me vigjilencë të shtuar.

Nuk janë kontrollorët ushtarakë, ata që do të marrin operacionet. Nuk jemi ne të licencuar, po flas tani në emër të tyre, të licencuar për Aviacionin Civil, kështu që kjo është edhe një arsye më tepër, përveç kufizimeve e ndalimeve të tjera, që nuk do të jemi ne pra, që do marrim përsipër rifillimin e operacioneve në aeroport. Ka kërcënime edhe në rajonin tonë, që lidhen me orientimin e vendeve të rajonit, edhe në shtete të tjera, përpos SHBA-ve. ne jemi pro Perëndimit gjithmonë. Komiteti i Mbrojtjes Civile ka vendosur të ngarkojë Ministrinë e Infrastrukturës që të marrë të gjitha masat për sigurinë e aeroportit”, u shpreh mes të tjerash ministri i Mbrojtjes, Niko Peleshi.

Shpërndaje
Share.

Komento