Greqia propozon në BE një fushatë europiane për Covid-19: Fond emergjent për median

Google+ Pinterest LinkedIn Tumblr +

Ndonëse gazetarët janë ‘kthyer’ në shpresën e shumë njerëzve të mbyllur në shtëpi gjatë pandemisë, si dritarja informuese se çfarë ndodh jashtë mureve të shtëpisë së tyre, duket se vetë media nuk i ka shpëtuar krizës së koronavirusit.

Vlen të përmendet se shtypi i shkruar ndërpreu aktivitetin e tij për disa javë, duke pësuar një goditje edhe më të rëndë, teksa shumë televizione kanë ndërprerë programacionin, për shkak të kushteve të krijuara.

Ndryshimet e bëra në median e shkruar, televizive, por edhe atë online, për shkak të masave kufizuese të marra nga qeveria, duket se shkaktuan një impakt negative mbi biznesin mediatik, teksa qeveria shqiptare nuk ka parashikuar asnjë paketë ndihmuese.

Megjithatë, media ka hasur probleme edhe në vende të tjera.

Së fundmi, zëdhënësi i qeverisë greke Stelios Petsas ka paraqitur në telekonferencën e ministrave të Kulturës së BE propozimin për një fond mbështetës për median këtë periudhë mjaft kritike, si edhe për subvencionimin konstant, të qëndrueshëm e transparent.

“Mbështetja e medias është çështje demokracie. Mjetet e Informimit nuk janë thjesht një aspekt apo fushë e ekonomisë. Media është shtylla e demokracisë” ka theksuar Stelios Petsas.

Dy janë propozimet konkrete të Greqisë, që kërkon të adoptojë BE:

I pari, një fushatë mbareuropiane informative për Covid-19. Fushata që duhet të përfshijë të gjitha llojet e medias, do të informojë saktë e në kohë për fazën e lehtësimit të masave e çfarë duhet të dimë. Kjo fushatë do të ofrojë ndihmë ekonomike në median, por edhe informacion të qartë e të duhur, pa dallime, në gjithë Europën.

I dyti, një Fond Special për Arsye Emergjente ose në kuadrin e inisiativës “ Coronavirus Response Investment Initiative”, ose si ad hoc (një herë) vegël subvencionuese e Fondit Investitor të BE-së ose në forma investimi të ndryshme. Stelios Petsas ka kërkuar dhe sigurimin se respektohen të drejtat e autorit në të gjitha faqet elektronike, si dhe investime në trajnimin e specializimin e mëtejshëm të gazetarëve, përmes fondit special.

Shpërndaje
Share.

Komento