Policia e Durrësit ka arrestuar një 36- vjeçar nga Sukthi, për dhunë.
I riu për motive të dobëta ka goditur me sendet të forta shtetasit V.K., 40 vjeç dhe shtetasen A.K. 39 vjeç.
Njëkohësisht u procedua në gjendje të lirë V.K., pasi u konstatua duke ndërtuar një mur rrethues pa leje në banesën e tij.
Materialet i kaluan Prokurorisë së Durrësit për veprime të mëtejshme.
Njoftimi i policisë
Specialistët për Hetimin e Krimeve në Komisariatin e Policisë Durrës arrestuan në flagrancë shtetasin: L. Ll., 36 vjeç, banues në Sukth, pasi më datë 26.04.2020, ka goditur për motive të dobëta, me sende të forta shtetasin V. K., 40 vjeç, i cili ndodhet nën kujdesin e mjekëve, dhe shtetasen A. K., 39 vjeçe. Gjithashtu u procedua në gjendje të lirë shtetasi V. K., pasi u konstatua duke ndërtuar një mur rrethues në banesën e tij, pa lejen përkatëse. Materialet i kaluan Prokurorisë së Rrethit Gjyqësor Durrës, për veprat penale “Plagosja e lehtë me dashje”,”Plagosja e rëndë me dashje” dhe “Ndërtim pa leje”.
