“Gjyshi ka projektuar godinën e Teatrit” Ministrja Margariti tregon lidhjet familjare me TK

Google+ Pinterest LinkedIn Tumblr +

Mëngjesin e 17 majit me vendim të Këshillit Bashkiak të Tiranës, u shemb godina e Teatrit Kombëtar, vendim ky i pasur me dy protesta të njëpashnjëshme, të cilat është përdorur edhe dhuna policore ndaj qytetarëve.

Opozita ka mbështetur protestat dhe ka thënë se tashmë do të përkrah çdo tubim të qytetarëve, pasi sipas tyre është kaluar vija e kuqe, teksa pritet që protesta e radhës të zhvillohet nesër në orën 17:30.

Pas shembjes, kryebashkiaku Erion Veliaj kërkoi bashkëpunim me artistët, ndërsa kryeministri Edi Rama premton se godina e re do të jetë moderne dhe do plotësojë të gjithë kërkesat e aktorëve.

Sakaq, nuk kanë munguar edhe reagimet nga ndërkombëtarët.

BE iu bëri thirrje palëve të tregojnë kufizim dhe të shmangin përshkallëzimin e situatës, ndërsa amabasada britanike në Tiranë tha se dhuna minon demokracinë, edhe ambasadori gjerman është i të njëjtit mendim.

Ministrja e Kulturës, Elva Margariti, e ftuar në emisionin “Open”, ka folur për prishjen e godinës së Teatrit Kombëtar.

E pyetur nga moderatorja e emisionin, Eni Vasili nëse është e vërtetë se nuk është prononcuar për godinën, pasi gjyshi i saj, Anton Lufti ka qënë një ndër projektuesit, ajo nuk e mohoi këtë gjë.

“Gjyshi im ka qënë një nga artitektët më të shquar dhe të zotë. Për gjyshin tim u kujtuan që të flasin në këtë muaj. Do kishte qënë dakord për prishjen? Do të dija ta njihja personalisht por nuk mundem. Mendimi i tij ka qënë teknik dhe ha shumë debat,”-u shpreh ajo.

Po ashtu, ministrja është përplasur me arkitektin Astrit Seranaj, i cili tha se i njëjti material që ishte ndërtuar Teatri Kombëtar, u përdor edhe tek Teatri i Operas dhe Baletit, ndërsa ministrja e ka mohuar diçka të tillë.

DEBATI NË STUDIO:
Astrit Seranaj: Keni përdorur të njëjtin material si tek Teatri Kombëtar tek ai i Operas dhe Baletit.
Elva Margariti: Nuk është e vërtetë, populiti është material krejt tjetër. Më vjen keq që ngatërroni materialin e vitit të parë të shkollës së arkitekturës. Me shumë kënaqësi iu ftoj që të vini në nesër dhe t’ju bëj një tur për ta barë vetë materialin që është përdorur akustikën hyrëse. Zonja Eni më pas do t’ju flas dhe do t’jua shpjegoj populitin njësoj si t’ja shpjegoja vajzës time.
Astrit Seranaj: I kemi parë kollonat me beton. Bashkë do të shihemi në prokurori.
Elva Margariti: Ëhë, se mua më dolën me kashtë.

Më herët ditën e sotme, Margariti është shprehur në një intervistë se teatri është shpallur një godinë pa vlera.

LEXO: “Teatri ishte shpallur godinë pa vlera historike”, shokon ministrja e Kulturës 

Shpërndaje
Share.

Komento