Pas vendimit të Gjykatës së Vlorës për të lënë në burg kandidatin e koalicionit “Bashkë Fitojmë” Fredi Belerin, ka ardhur një reagim zyrtar nga Ministria e Jashtme greke. Ministria e Jashtme se arrestimi i kandidatit vetëm dy ditë para zgjedhjeve, nuk përbën një shtet ligjor.
Vendimi i sotëm i Gjykatës së Vlorës, nëse provat nuk janë të pakundërshtueshme, është skandaloz ”, thuhet në deklaratën e Ministrisë së Jashtme ku theksohet se arrestimi i një kandidati për kryetar Bashkie dy ditë para zgjedhjeve nuk përbën shtet ligjor.
“Vendimi i sotëm i gjykatës së Vlorës, nëse provat nuk janë të pakundërshtueshme, është skandaloz. Arrestimi i një kandidati për Kryetar Bashkie dy ditë para zgjedhjeve nuk përbën shtet ligjor. Vendimi për ndalimin e kandidatit për Kryetar Bashkie sjell një ndryshim të plotë të rregullave të barazisë në zgjedhjet bashkiake në Heimarra, qendra më e rëndësishme e pakicës kombëtare greke në Shqipëri. Një vendim i tillë do të ndikojë edhe në marrëdhëniet e Bashkimit Europian me Shqipërinë, pasi kusht i kësaj rruge europiane është respektimi i rregullave europiane dhe parimeve të shtetit të së drejtës nga vendet kandidate. Vendime si ky i sotmi që shkelin parimet e mësipërme do të thotë se në praktikë Shqipëria nuk po ndjek rrugën europiane”, thuhet në reagim.
Kujtojmë se Gjykata e Vlorës dha sot masën e sigurisë ‘arrest me burg’ për Fredin Belerin. Ai akuzohet për blerjen e 8 votave me nga 5 mijë lekë për zgjedhjet vendore që do të mbahen ditën e nesërme. Gjykata e Vlorës pas vendimit shpalli mos kompetencë dhe dosja hetimore tashmë kalon në SPAK. Bleri akuzohet për veprën penale ‘korrupsioni aktiv në zgjedhje’.
