Ditën e sotme Gjykata e Lartë nuk ka pranuar rekursin e paraqitur nga tetë shtetas të arrestuar gjatë operacionit “Plumbi i artë”.
Gjithashtu rekursi në Gjykatën e Lartë u paraqit nga shtetasit, Agron Qoli, Altin Ndoci, Ardian Uzuni, Elvis Koci (Caushllari), Fatos Goga (Tos Goga), Gentian Sharra, Ilirian Feci dhe Petrit Qoli.
Operacioni “Plumbi i Artë” u drejtua nga Drejtoria e Përgjithshme e Policisë së Shtetit dhe nisi menjëherë pas arrestimit të të shumëkërkuarit, Nuredin Dumani.
Ky i fundit, u arrestua si rezultat i operacionit policor të koduar “Arratia”.
Këta persona u arrestuan pas dëshmisë së dëshmitarit te drejtësisë Nuredin Dumani pasi u zbardhën disa vrasje dhe u lëshuan plot 32 urdhër arreste.
Kujtojmë se Dumani u arrestua mbrëmjen e 29 marsit në Fier, pak pasi kishte marrë mjekim për plagosje në shpinë nga tre mjekë në një shtëpi private.
Dyshohet se Dumani mbeti i plagosur gjatë një atentati që kishte organizuar kundër Talo Çelës, një tjetër person i shumëkërkuar.
Dumani është një nga personazhet më të rrezikshëm në Shqipëri, i akuzuar për një seri ngjarjesh kriminale.
Pas arrestimit të Dumanit, u lëshuan 32 urdhër-arreste.
