Gjoni i rrëmben nga dora Shalsit mikrofonin, truprojat rrethojnë foltoren e Kuvendit

Seanca e sotme plenare është zhvilluar në një klimë tensioni.

Pas fjalës së deputetit të LSI, Ralf Gjoni, zv.kryeministri, Erion Braçe iu drejtua foltores.

Ai kërkoi shpjegim nga Gjoni, për akuzat që i bëri pak më parë, duke e pyetur se çfarë i ka vjedhur.

Më pas Braçe u largua dhe fjalën e mori ministri për Mbrojtjen e Sipërmarrjes, Eduard Shalsi.

Në këtë moment, Gjoni kërkoi të drejtën e fjalës për të replikuar, por nuk iu dha.

Si pasojë e refuzimit ai vrapoi drejt e tek foltorja për t’i kthyer përgjigjë Braçes, por mikrofoni iu mbyll dhe ajo që tha nuk u dëgjua.

Foltorja u rrethua menjëherë nga truprojat, ndërsa Shalsi qëndronte në këmbë.

Duke parë situatën e krijuar, kryesuesja e seancës, Vasilika Hysi, vendosi të ndërpresë seancën për disa minuta.