Në vetëm 48 orët e fundit policia ka gjobitur për mos rrespektim të masave anti-kovid rreth 770 qytetarë dhe 10 biznese. Gjithashtu janë shoqëruar në komisariat 9 qyetarë që kanë kundërshtuar efektivët e policsë.
Strukturat e policisë së Shtetit, krahas përmbushjes së detyrave funksionale për paranadalimin, evidentimin dhe goditjen e paligjshmërisë, kanë vijuar kontrollet në terren për të motivuar zbatimin e masës për parandalimin e përhapjes së coronavirusit.
Gjatë kontrolleve të ushtruara në subjekte të ndryshme, shërbimet e Policisë kanë evidentuar 10 subjekte (bare, lokale, restorante) që ushtronin aktivitetin në kundërshtim me protokollet e sigurisë. Për administratorin e secilit subjekt është vendosur masa administrative 1.000.000 lekë.
Prej disa muajsh maska është e domosdoshme dhe dënohet me ligj mosmbajtja e saj me gjobë në shifrën e 3 mijë lekëve të reja.
“Gjatë kontrolleve janë shoqëruar në ambientet e Policisë në të gjithë vendin, 9 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.”, thuhet në njoftimin e policisë.
Kujtojmë se prej tetorit, maska u bë e detyrueshme në çdo hapësirë publike me përjashtim të bareve dhe restoranteve. Edhe pse kjo masë ka disa muaj në zbatim, shifrat e infektimeve vijojnë të jenë ende të larta dhe vdekshmëritë po njësoj.
https://www.facebook.com/policiashtetitshqiptar/videos/252468313161985/?t=6
