Gjesti i turpshëm në Gostivar, mësues e nxënës përshëndesin ofensivën turke në Siri

Google+ Pinterest LinkedIn Tumblr +

Një ngjarje e papranueshme ka ndodhur në shkollën fillore “Mustafa Kemal Atatturk” në Gostivar të Maqedonisë.

Nxënëns dhe mësues kanë përshëndetur ofensivën ushtarake turke në Siri.

Fotoja është publikuar në rrjetin social ‘Facebook’, ndërsa ka dhe shumë komente që mbështesin aksionin ushtarak të Turqisë.

Kryetari i Komunës së Gostivarit, Arben Taravari, u shpreh për një radio maqedonase se nuk ka informacion për ngjarjen, ndërsa tha se në shkolla nuk duhet të ketë politikë.

“Qëndrimi im është që në shkolla nuk duhet të ketë asnjë pikë politikë. Nuk lejohet çfarë do lloji i lojërave politike në shkolla. Siç e dini Ministria për arsim ia ka pezulluar ingerencat Komunës Gostivar në sferën e arsimit. Drejtori i shkollës është drejtor i ri, i caktuar nga ministri për arsim prej para dy-tre muajsh. Unë do të kërkoj nga Sektori për arsim pranë Komunës Gostivar të bisedojnë me drejtorin, megjithatë ne nuk kemi kompetenca për shkarkim dhe caktim të drejtorëve”, thotë Taravari.

Edhe ambasada e parë fëminore në botë, “Megjashi” ka reaguar ashpër ndaj gjestit.

Ata e kanë quajtur manipulim dhe indoktrimin të fëmijëve.

Sipas saj, fëmijët duhet t’i mësojnë për transforimin e konflikteve në paqe

“Në këtë mënyrë bëhet manipulim dhe indoktrinim i fëmijëve në shkollat e vendit. Fëmijët përdoren për të thurë lëvdata intervenimeve luftarake, në vend që t’i mësojnë për mënyra paqedashëse të transformimit të konflikteve. Nuk i informojnë fëmijët për pasojat negative nga luftërat përkatësisht për statistikat e fëmijëve të vrarë në konfliktet, as për situatat në të cilat janë gjendur fëmijët prindërit e të cilëve janë vrarë në konfliktet luftarake dhe jeta pas humbjes së prindit, apo edhe për jetën e prindit pas humbjes së fëmijës në konflikt luftarak”, thuhet në reagimin e ambasadës fëminore “Megjashi”.

Shpërndaje
Share.

Komento