Presidenti Ilir Meta ka reaguar ashpër për prishjen e maternitetit “Mbretëresha Gardalinë”. Meta e ka cilësuar një ndërhyrje brutale mbi goditën historike.
“Shkatërrimi kriminal i Teatrit Kombëtar, rrafshimi i qindra objekteve me status special e monument kulture, si dhe “zhdukja” e Sahatit pas kullave, janë dëshmi e babëzisë dhe të një gjenocidi kulturor ndaj identitetit të Kryeqytetit tonë, në shkelje të Kushtetutës, ligjit për konsultimit publik dhe të gjitha parimeve për mbrojtjen e vlerave të trashëgimisë historike e kulturore.”, shkruan Meta.
Sipas Metës, shembja e një pjese të maternitetit “Mbretëresha Gerladinë”, është vepër shkatërruese e identitetit të kryeqytetit.
Kujtojmë se kjo godinë ishte shpallur trashëgimi kulturore e kategorisë së dytë. Lidhur me këtë veprim kanë reaguar dhe Unioni i arkitektëve dhe partia Demokratike, por ende nuk kanë reaguar instuticionet që mbrojnë dhe përfaqësojnë këto ndërtesa.
Reagimi i Metës:
Ndërhyrja brutale mbi godinën historike të maternitetit “Mbretëresha Geraldinë’’, pa transparencë, në periudhë pandemie, është një tjetër atentat, në vijim të sulmeve barbare ndaj historisë, trashëgimisë kulturore dhe identitetit tonë kombëtar.
Shkatërrimi kriminal i Teatrit Kombëtar, rrafshimi i qindra objekteve me status special e monument kulture, si dhe “zhdukja” e Sahatit pas kullave, janë dëshmi e babëzisë dhe të një gjenocidi kulturor ndaj identitetit të Kryeqytetit tonë, në shkelje të Kushtetutës, ligjit për konsultimit publik dhe të gjitha parimeve për mbrojtjen e vlerave të trashëgimisë historike e kulturore.
Duke u solidarizuar me qëndrimin e Unionit të Arkitektëve, Urbanistëve dhe Planifikuesve të Shqipërisë për çështjen e ndërhyrjes mbi godinën e maternitetit ‘’Mbretëresha Geraldinë’’, u premtoj të gjithë shqiptarëve se pas 25 prillit në Shqipëri do të nisë epoka e referendumeve, për t’u dhënë të drejtën qytetarëve të vendosin vetë mbi të gjitha çështjet e rëndësishme me interes publik.
