Një automjet i djegur është gjetur në fshatin Golaj të Hasit.
Policia ka dyshime të forta, se automjeti i përket autorëve të atentatit ndaj biznesmenit Guxim Gjyriqi.
Kjo është një metodë, e cila përdoret rëndom nga atentatorët.
Gjyriqi u ekzekutua me breshëri automatiku pranë karburantit të tij në Tropojë.
Autorët u larguan menjëherë nga vendngjarja dhe dyshohet se kanë djegur automjetin.
Fshati Golaj ku u gjet automjeti i djegur, ndodhet 55 km larg vendit ku ndodhi atentati.
Policia e Tropojës dhe FNSH kanë rrethuar zonën dhe po punojnë për identifikimin dhe kapjen e autorëve.
Viktima Guxim Gjyriqi, ishte djali i tezes së Fatmir Haklajt.
