Një vendim i rëndësishëm është marrë ditën e sotme nga Ministri për Evropën dhe Punët e Jashtme, Gent Cakaj.
Cakaj në një deklaratë për mediat është shprehur se Shqipëria ka nurmin më të lartë të përdoruesve të pasaportave diplomatike në rajon dhe kjo sipas tij është në kundërshtim me ligjin.
I gjendur para këtij fakti, ministri ka vendosur që të ndalojë përdorimin e 350 pasaportave diplomatike të cilat përdoren sipas tij nga persona që nuk kanë arsye përse të mbajnë një dokument të tillë.
Bëhet fjalë për gjyqtarë që nuk e kanë kaluar ende Vetting-un e deri tek shoferët e disa personaliteteve.
“Shqipëria ka 2-fshin e pasaportave diplomatike krahasuar me vendet e rajonit.
Ky është fakt real, në shkelje flagrante të ligjit. Sot në Shqipëri ka më shume se 350 persona që mbajnë pasaporta diplomatike në kundërshtim me ligjin.
Deputetët, gjyqtarë të lartë që s’e kanë kaluar ende vetingun dhe shoqërues të ‘vipave’.
U bëj thirrje që të dorëzojnë menjëherë pasaportën diplomatike në të kundërt ato do të bllokohen dhe do shpallen të pavlefshme”, ka thënë Cakaj.
