Policia dhe qytetarët janë përplasur sot gjatë protestës së Teatrit Kombëtar, pasi ky i fundit u prish gjatë orëve të para të mëngjesit të sotëm.
Shumë qytetarë, artistë e gazetarë janë dhunuar ditën e sotme nga policia pasi kanë kundërshtuar shoqërimin e tyre në ambientet e komisariatit.
Mes personave të dhunuar është dhe djali i gazetares dhe shkrimtares, Kozeta Zavalani, Mend Zavalani.
Ka qenë vetë gazetarja që ka publikuar fotot e të birit. Ajo ka shkruar se djali i saj është dhunuar nga uniformat blu.
“Kam kaluar orë të tmerrshme në ankth. Më në fund, pas 9 orësh, neodiktatura me maska, pasi e dhunuan pa paralajmërim, ne mënyrë të pajustifikueshme e kriminale tim bir, Mend Zavalani, e liruan nga paraburgimi me dëmtime të rënda dhe detyrim paraqitjeje.
Krimi: qendrimi në mbrojtje të Teatrit…”, shkruan Kozeta Zavalani.
