Gazetari e pyet se kur ka folur për herë të fundit me Ramën, Meta: “Kemi shkëmbyer kartolina për Vit të Ri”

Google+ Pinterest LinkedIn Tumblr +

Presidenti Ilir Meta ka qenë sot i ftuar në ABC News.

Ndër të tjera gjatë intervistës Meta është pyetur mbi komunikimin e fundit që ka patur me kryeministrin Rama.

Fillimisht kreu i shtetit iu shmang pyetjes, duke thënë se komunikimi mes dy institucioneve(Kryeministrisë dhe Presidencës) është i përditshëm.

Mirëpo, pas këmbënguljes së gazetarit Meta u përgjigj se ka shkëmbyer kartolina me Ramën për Vit të Ri.

Pra, mesazhet e fundit mes Metës e Ramës janë shkëmbyer më 31 dhjetor 2019.

Pjesë nga intervista: 

Kur e keni pasur komunikimin e fundit me zotin Rama?

Unë kam çdo ditë komunikim me qeverinë, përfaqësues të institucioneve shtetërore dhe të qeverisë. Çdo ditë nga kjo zyrë dërgohen shkresa, kërkesa, surgjerime në përputhje me detyrat dhe përgjegjësitë kushtetuese të Presidentit. Unë bashkëpunoj me të gjithë. Se sa bashkëpunojnë të tjerët dhe si nuk e di.

Po me kryeministrin mbaj mend që ju thatë se ndërruat telefonin dhe nuk ia kishit numrin më. Ia gjetët numrin?

Unë këto nuk i mbaj mend. Kryeministri, ministra janë të mirëpritur në çdo kohë.

Kur e keni pasur komunikimin e fundit me kryeministrin Edi Rama?

Nuk e mbaj mend kemi shkëmbyer kartolina për Vitin e Ri.

Shpërndaje
Share.

Komento