Kandidati për kryetar i Partisë Demokratike, Agron Shehaj me anë të një postimi në rrjetet sociale është shprehur i bindur se nëse nuk ndryshohet lidershipi, atëherë PD-ja nuk do të fitojë. Shehaj ka shkruar se demokratët e kanë vetë zgjedhjen në dorë në qoftë se do duan të shkojnë me të njëjtin ekip në zgjedhjet e ardhshme apo do të provojnë një ekip të ri. Ai me anë të postimit në rrjetet sociale iu ka bërë thirrje të gjithë votuesve të Partisë Demokratike, që në 13 qershor, kur edhe do të mbahen zgjedhjet për kryetar të PD-së, Shehaj fton qytetarët që ta votojnë.
“E vërteta është e thjeshtë: shqiptarët nuk e votuan për kryeministër liderin e partisë Demokratike, nuk janë dhanë besimin ekipit të sotëm të lideshipit të Partisë Demokratike. Kjo gjë tani ka marrë fund. Ajo që demokratët kanë në dorë është të zgjedhin a do shkojnë me të njëjtin ekip në zgjedhjet e ardhshme apo do provojnë një ekip të ri.
Unë jam i bindur se pa ndryshuar lidershipin Partia Demokratike nuk fiton dot. Prandaj ju ftoj të votoni ndryshimin më 13 qershor. Të votoni për ta bërë PD-në përsëri”, shkruan Shehaj në rrjetin social “Facebook”
Kujtojmë se më 13 qershor do të zhvillohen zgjedhjet brenda strukturave PD-së, kandidatët për kryetar janë Lulzim Basha, Fatbardh Kadilli, Edit Harxhi dhe Agron Shehaj.
