Dështimi i hapjes së negociatave me Shqipërinë dhe Maqedonine e Veriut, ka lënë një shije të hidhur tek shumë figura me peshë në arenën politike evropiane.
Një ndër to është edhe kreu në largim i Komisionit Europian, Jean Claude Juncker.
Ky i fundit u shpreh se vendimi për moshapjen e negociatave ishte një gabim historik.
“Pata thënë në fillim të mandatit tim se nuk do të kishte zgjerim gjatë këtij mandati. Por çështja këtë herë nuk ishte kjo, çështja ishte nëse ato ishin apo jo kandidatë në nivelin e duhur për të na lejuar që nisnin bisedimet. Unë mendoj që ishte një gabim historik”, u shpreh Juncker
Ky ishte fjalimi i fundit i Juncker në këtë pozicion.
Ndërsa Presidenti i Këshillit Europian, Donald Tusk tha se shumica e vendve donin që të hapeshin negociatat, por nuk pati unanimitet.
Sipas tij Maqedonia e Veriut dhe Shqipëria i bënë ato që iu kërkuan, por disa shtete brenda unionit nuk ishin gati.
Ai e quajti gjithashtu gabim këmbënguljen e Francës.
Më tej Tusk ka dhënë një mesazh për shqiptarët dhe maqedonisit,duke u thënë të mos dorëzohen.
“Mbrëmë liderët diskutuan zgjerimin. Shumica dërrmuese donte që të hapeshin bisedimet me Shqipërinë dhe Maqedoninë., Por nuk pati unanimitet. Prandaj unioni do t’i rikthehet çështjes. Maqedonia e Veriut dhe Shqipëria nuk kanë faj për këtë. Të dy vendet bënë atë që iu kërkua të bënin. Të dy shtetet kishin të drejtën të nisnin bisedimet. Ata ishin gati, por fatkeqësisht disa shtete brena unionit nuk ishin gati. Për mendimin tim ishte gabim. Mesazhi im për shqiptarët dhe maqedonasit është: Ju lutem mos u dorëzoni. Nuk kam asnjë dyshim që një ditë do të bëheni pjesëtarë të BE”-pohoi Tusk.
