“Furtunë” në administratë/ Shkarkime te Tatimet, Hipoteka dhe Dogana

Ditën e sotme ka pasur një valë shkarkimesh në administratë.

Kështu mësohet se është shkarkuar nga detyra Drejtori i Përgjithshëm i Hipotekave, Valdrin Pjetri.

Pas kësaj ai është emëruar në postin e prefektit të Shkodrës.

Po ashtu është shkarkuar dhe drejtoresha e doganave Belinda Ikonomi dhe drejtoresha e Përgjithshme e Tatimeve Vasilika Vjerro.

Në vend të Ikonomit do të emërohet Arlind Gjokutaj, i cili më parë ka mbajtur postin e drejtorit të pastrimit të parave.

Ndërkohë Belinda Ikonomi do të emërohet zëvendësministre e Arsimit.

Posti i Vasilika Vjerros do të zëvendësohet nga Enton Duro, që më herët ka mbajtur postin e drejtorit në Ministrinë e Finanncave.