Një fëmijë rreth një muajsh e gjysmë ka rezultuar pozitiv me koronavirus.Mësohet se foshnja pas shfaqjes së shenjave të koronavirusit është shtruar tek spitali Infektiv, në pediatrinë e QSUT-së.
Dyshohet se fëmija eshte infektuar nga e ëma, nderkohë që pritet të dalë përgjigja e tamponit edhe për të. Bëjmë me dije se ky është rasti i parë në Shqipëri, që një foshnje rreth 2 muajshe infektohet me Covid-19.
Ndërkohë që edhe më parë Ministria ka raportuar për fëmijë të infektuar, por që nuk kanë shfaqur shenja
Në total në vendin tonë nga janë shënuar 69 viktima. Së fundmi, kanë humbur jetën 3 persona dhe janë konfirmuar 82 raste të reja. Harta është zgjeruar në 19 qytete. Po kështu, në spitalin Infektiv po marrin mjekim 78 pacientë, nga të cilët 9 janë në terapi intesive dhe 2 të intubuar.