Të izoluar për gati tre muaj si pasojë e Covid-19, shumë njerëz në botë po presin me padurim të nisin pushimet e tyre.
Shumë shtete të botës kanë lehtësuar masat kufizuese për shkak të koronavirusit, duke nisur edhe fluturimet e para nga një shtet në tjetrin.
Dikujt mund t’i jenë prishur planet, ndaj edhe një pjesë e tyre kanë zgjedhur që të pushojnë shumë pranë vendlindjes së tyre apo në ndonjë qytet jo shumë larg në distancë nga vendi ku jetojnë.
Më shumë se 500,000 njerëz kaluan nëpër pikat e kontrollit të Administrimit të Sigurisë së Transportit në aeroportet amerikane më 11 qershor.
Kjo ka qenë hera e parë që numrat janë rritur qëkur ka ndodhur pandemia e koronavirusit.
Çdokush që po mendon të bëjë një udhëtim së shpejti, po pyet veten se cili është mjeti më e sigurt për të udhëtuar?
Do të ishte më mirë të udhëtonim me avion, apo me makinë?
Edhe kjo pyetje nuk ka asgjë të sigurt, ashtu siç ende nuk e dimë nëse do të ketë një valë të dytë të Covid-19, ku shumë mjekë e mendojnë se të jetë edhe më e rrezikshme nga kjo që po kalon bota tani.
Edhe pyetjes se a do të ishte më mirë të udhëtonim me avion apo me makinë, nuk mund t’i përgjigjemi dot me siguri.
Kjo gjë varet nga udhëtimi, nga sjellja juaj dhe nga toleranca ndaj rrezikut.
“Rreziqet e udhëtimit zakonisht varen më shumë nga zgjedhja personale e udhëtarit sesa nga mjetet e transportit”, tha dr. Daniel Griffin, specialist i sëmundjes infektive në Qendrën Mjekësore Universitare Columbia.
Ndalesat për të ngrënë, pirë, përdorur tualetin apo edhe të flini në makina gjatë udhëtimeve të gjata shtojnë rrezikun që të infektohemi më lehtë me Covid-19, por edhe udhëtimi ajror ka sfidat e veta.
“Megjithëse ajri në aeroplanët është i filtruar,pasagjerët duhet të përdorin maska dhe duhet të ruajnë higjenën, tha Griffin.
Përfitimet e udhëtimit me makinë
Dr. William Schaffner, specialist i sëmundjeve infektive në shkollën e Mjekësisë Universitare Vanderbilt, beson se udhëtimi me makinë ka një siguri më të madhe.
“Kur drejtoni automjetin, ju keni një kontroll shumë më të madh të mjedisit tuaj dhe njerëzve përreth jush,” tha Schaffner.
Edhe kur ju do të uleni për të ngrënë apo pirë do të jeni më të sigurt” sepse ju mund të kontrolloni mjedisin përreth në një masë shumë më të madhe nëse do të udhëtonit me avion.
Ndërkohë që udhëtoni në avion mund të jeni më njerëz të cilët nuk përdorin maska.
Por Schaffner tha se ai do të preferonte udhëtimin me avion.
Sido që të jetë, të përdorësh një maskë kur je afër njerëzve të tjerë ndihmon në uljen e rrezikut për t’u infektuar.
“Kur njerëzit hanë në aeroplan, ata kanë tendencë të prekin maskat e tyre, të zbulojnë hundën dhe gojën e tyre dhe të ekspozojnë potencialisht veten dhe të tjerët,” tha Schaffner.
Mundohuni t’i shmangni këto veprime.
Përdorimi i aplikacioneve elektronike të kontrollit dhe paketimi i ushqimit tuaj ndihmon në zvogëlimin e kontaktit ballë për ballë me tjetrin.
Lani ose pastroni shpesh duart tuaja dhe pastroni sipërfaqet që mund të kenë prekur të tjerët.
