Pas fitores së Italisë, tifozët ishin “derdhur lumë” në rrugët e Romës për të festuar së bashku me heronjtë e tyre që heshtën Wembley dhe fituan evropianin.
Kjo festë, në këtë formë, mbi një autobus të hapur, nuk do të ishte bërë e mundur nëse Chiellini dhe Bonucci nuk do të kishin negociuar personalisht me përfaqësuesit e rendit publik: “Më rezulton se Chiellini dhe Bonucci negociuan me shumë vendosmëri me personelin e rendit publik për të bërë të mundur këtë festë”, i tha një burim i sigurt “Corriere della Sera”.
Në fakt, FIGC kishte kërkuar leje zyrtare tek autoritete që lojtarët dhe stafi i përfaqësueses të bënin xhiron në rrugët e qytetit mbi një autobus të hapur, atë që të gjithë e panë në rrugët e Romës, por kjo kërkesë iu refuzua në mënyrë kategorike nga autoritete zyrtare. Gjithashtu u hodh poshtë edhe varianti i dytë, që të ngjiteshin në një pedanë në “Piazza del Popolo”, por në fund në mënyrë të çuditshme të gjithë tifozët panë lojtarët mbi një autobus të hapur, kjo me sa duket vetëm falë këmbënguljes së dyshes së qendrës Chiellinit dhe Bonuccit. Po i njëjti burim i tha “Corriere delo Sera”: “Shpresoj që Italia të fitojë edhe Botërorin vitin e ardhshëm që të kemi të njëjtën festë, sigurisht duke negociuar personalisht me vetë lojtarët”.
