Kreu i partisë “Partia e Lirisë”, Ilir Meta është tashmë në objektivin e SPAK pasi ndaj tij është hapur hetim. Ndërkohë që ditën e sotme në një deklaratë për mediat, Meta është pyetur mbi hetimet e SPAK dhe kërkesën që ky institucion i bëri gjendjes civile për gjeneralitetet e tij. Gjithashtu kreu i PL-së tha se nuk e ka ndryshuar asnjëherë mbiemrin, është dhe do të mbetet Ilir Rexhep Metaj.
“Të jeni shumë të qartë, kam qenë dhe jam do jem do jemi ilir Rexhep Metaj, i lindur më 24 mars në Çepan të Skraparit dhe skam asnjë arsye që jo vetëm të mos jem krenar për emrin dhe mbiemrin tim për gjithçka që kam bërë deri më sot. Përkundrazi fëmijët kanë arsye të jenë edhe me krenarë në të ardhmen, edhe për babin e tyre”, deklaroi Meta.
Kujtojmë që në kuadër të hetimeve për skandalin e lobimit në SHBA, Spak i kërkoi KQZ formularin e vetëdeklarimit të Ilir Metës, si edhe gjendjes civili certifikatën e tij. Gjendja civile i ka kthyer përgjigje SPAK, ku thotë se Meta nuk e ka ndryshuar asnjëherë mbiemrin dhe e ka Metaj.
Sjellim në vëmendje se me herët Gjendja Civile i është përgjigjur Prokurorisë së Posaçme (SPAK) me një shkresë që tregon se kreu i Partisë së Lirisë, Ilir Meta nuk ka kryer ndryshime gjeneralitetesh.
