Kruja është kthyer tashmë në një vatër të nxehtë të COVID-19 për shkak të fasonerive.
Ditën e sotme janë konfirmuar 18 raste të reja nga 30 tamponë të kryer, raporton “Balkanweb”.
Të prekurit janë punonjës të fasonerisë “Endi” shpk dhe kontakte të tyre.
Në mesin e të infektuarve është edhe shoferi i fasonerisë “MHV”.
Me rastet reja, numri i të prekurve në Krujë shkon në 58.
Ndërkohë në rang kombëtar, numri i të prekurve ka shkuar në 609.
Betejën me virusin e kanë fituar 345 pacientë, ndërsa 26 të tjerë kanë ndërruar jetë.
Në dy spitalet COVID, aktualisht po marrin mjekim 40 pacientë.
