Ka marrë fund arratia 6-vjeçare për shkodranin Mhil Shytani, i cili ka rënë në prangat e policisë në pikën kufitare Hani i Hotit.
38-vjeçari akuzohet për vrasjen e të vëllait, ngjarje kjo e ndodhur 6 vite më parë, më 23 prill 2014.
Aso kohe, familjarët tentuan të fshihnin ngjarjen duke deklaruar se viktima, shtetasi me iniciale K.SH., ishte vetëvrarë, gjë e cila u hodh poshtë pas ekspertizës së grupit hetimor.
Vetëm së fundmi, pas hetimeve të kryera, më datë 17.02.2020 Gjykata e Shkallës së Parë Shkodër caktoi masën e sigurisë “Arrest me burg” në mungesë, për veprën penale “Vrasja për shkak të marrëdhënieve familjare, e kryer në bashkëpunim”.
4 ditë pas vendimit autori është arrestuar në tentative për tu arratisur, teksa materialet iu referuan Prokurorisë së Rrethit Gjyqësor Shkodër, për veprime të mëtejshme.
