Kryeministri Edi Rama ka zhvilluar ditën e sotme një takim me Përfaqësuesin e Bashkimit Europian për Politikën e Jashtme Josep Borell.
Më herët në faqen e tij në Twitter, Borrell bëri të ditur takimin me kryeministrin Rama, ku theksoi se në fokus të bisedës ishte procesi i integrimit, ritmi i reformave dhe mbajtja e samitit të ardhshëm të vendeve të Ballkanit Perëndimor.
Takova Kryeministrin Edi Rama në #WPC2021 . Ne diskutuam për zgjerimin, Samitin e ardhshëm të Ballkanit Perëndimor dhe nevojën për rezultate konkrete. E rëndësishme për të ruajtur vrullin e reformës në rajon si dhe besueshmërinë e BE-së “, shkruan Borell në Twitter
Por pas përfaqësuesit të BE-së, Josep Borrell, kryeministri Rama ka bërë të ditur detaje nga takimi në Abu Dhabi me diplomatin europian.
Përmes një postimi në rrjetin e tij social “Facebook”, Rama shkruan se ka diskutuar lidhur me situatën në rajon, ku mes tyre dhe konflikti i hapur nga Bullgaria me Maqedoninë e Veriut, ku është marrë peng dhe Shqipëria.
“Takimi me Josep Borrell, kryediplomatin e BE- së dhe ndërmjetësuesin e bisedimeve Kosovë-Serbi, me të cilin folëm për Samitin e javës së ardhshme mes BE-së dhe Ballkanit Perëndimor, për panoramën e situatës në rajon, si edhe për konfliktin e hapur nga Bullgaria me Maqedoninë e Veriut, ku është marrë peng edhe Shqipëria” – shkruan Rama.
