Durrësi është qyteti i dytë në Shqipëri me numri më të lartë të personave të prekur nga COVID-19.
Ditën e djeshme në Durrës u shënuan plot 12 raste të reja, duke e çuar totalin në 26.
Mësohet se 11 personat e identifikuar ditën e djeshme në Durrës janë nga i njëjti fis.
Ata banojnë në zonën e Spitallës në Durrës dhe janë infektuar nga një 71-vjeçar, i cili po ashtu është i afërm i tyre.
Dyshohet se i moshuari e ka marrë koronavirusin nga djali i tij, i cili punonte në në call center.
Djali përveç babait ka infektuar nënën e tij dhe nga këta e kanë marrë edhe të afërmit.
Të gjithë të prekurit banojnë në një shtëpi private në zonën e Spitallës.
Durrësi për momentin është qyteti i dytë më i prekur nga COVID-19 me 26 raste, ndërsa kryeson Tirana me 29.
Ditën e djeshme u shënuan plot 20 raste të reja, duke e çuar numrin e përgjithshëm në 243.
Nga këto ndërkohë, numërohen 67 të shëruar dhe 15 viktima, dy prej të cilave u shënuan në 24 orët e fundit.
