Policia ka arrestuar një person, si të dyshuarin kryesor për vrasjen e regjistruar ditën e djeshme në fshatin Shosh të Dukagjinit.
Që nga momenti i marrjes së informacionit, policia ka rrethuar zonën.
Pasi ka marrë edhe dëshmitë e banorëve të zonës, blutë kanë bërë të mundur kapjen e të dyshuarit.
Në momentin e arrestimit, i dyshuar ka qenë në të njëjtën zonë, duke zgjedhur kështu të mos largohet nga vendngjarja.
Kujtojmë këtu se 55-vjeçari, Lazër Arra, u gjet i pajetë dje nga të afërmit e tij.
Ai po transportonte ushqime nga Shoshi për në Shkodër, ku edhe jetonte.
Në momentin që ka dalë te rruga kryesore, ai është qëlluar dy herë me armë zjarri.
