Qeveria është e angazhuar me fushatën elektorale për zgjedhjet e vitit 2021, por në një kohë që Edi Rama po synon një mandat të tretë, disa prej ministrave të tij ja kanë marrë me gjumë.
Por në një kohë që ministria e drejtuar nga Blendi Klosi, bëri zhurmë për të shtuar pasuritë natyrore dhe zonat e mbrojtura, të tjerë persona me lidhje me qeverinë, në kuadër të nismës “KÇK”, po batërdisin dhe po masakrojnë pasuritë natyrore dhe mjedisore të vendit.
Masakra e radhës po shënohet këto ditë në fshatin Bizë, shumë pak kilometra larg kryeqytetit.
Siç shihet dhe nga videot e siguruara nga televizioni informativ “FaxWeb”, janë 5 kamionë të tejmbushur me lëndë drusore, që po lënë pas një krim të shëmtuar mjedisor, duke u larguar të pa shqetësuar nga vendngjarja.
Fshati Bizë i përket njësisë administrative të Shëngjergjit, pjesë e Bashkisë së Tiranës.
Institucionet e Ministrisë së Mjedisit të cilat janë përgjegjëse për ruajtjen dhe menaxhimin e pyjeve, duket se janë në gjumë, teksa vandalët nuk pyesin dhe po masakrojnë natyrën për përfitime personale.
Nga video është bërë e mundur të sigurohet dhe targa e një kamioni e cila është “AA R 951”.
Teksa zyrtarët shtetërorë dhe ministri i Mjedisit, rehatohen nëpër zyra luksoze në kryeqytet, kontrabanda duket se nuk ka të ndalur në fshat.
Në lidhje me këtë masakër të fundit mjedisore ka reaguar nga rrjeti social edhe ambientalisti i njohur Sazan Guri.
Nëpërmjet një statusi nga profili i tij në Facebook, Guri, ngre alarmin për shkatërrimin e këtij pylli të lashtë, por dhe i tërheq vëmendjen ministrit të Mjedisit.
Ja statusi i plotë në Facebook i ambientalistit Sazan Guri:
“Institucionet e Ministrisë së Mjedisit të cilat janë përgjegjëse për ruajtjen dhe menaxhimin e pyjeve duket se janë në gjumë, teksa vandalët nuk pyesin dhe másakrojnë natyrën për përfitime personale”.
/Burimi: FaxWeb/ Përgatiti: GazetaReforma.com/
