Shqipëria ka regjistruar 11,7 milionë vizitorë të huaj gjatë vitit 2024, duke shënuar një rritje prej 15,2% krahasuar me vitin 2023, sipas Ministres së Turizmit dhe Mjedisit, Mirela Kumbaro.
Ajo bëri të ditur shifrat përmes një postimi në rrjetet sociale, duke theksuar se vitin 2024 e ka pasur një rritje të vizitorëve nga vendet e rajonit dhe, gjithashtu, një rritje të turistëve nga Evropa Perëndimore, përfshirë Itali, Gjermani, Francë dhe Britaninë e Madhe.
Kumbaro theksoi gjithashtu se Shqipëria ka krijuar një ofertë të diversifikuar dhe ka ofruar përvoja unike për vizitorët, duke kontribuar në rritjen e ekonomisë, me 3,8 miliardë euro të gjeneruara nga turizmi në 9 muajt e vitit 2024.
Ajo e vlerësoi këtë si një tregues të suksesit të vizionit të zhvillimit të turizmit dhe përmirësimit të kushteve akomoduese në vend.
