Më datë 8 gusht të vitit 1991, mijëra shqiptarë u larguan drejt Italisë me anijen “Vlora”, ku zbarkuan në Bari për një jetë më të mirë. Kur kanë kaluar 30 vite nga ai eksod masiv, Erion Veliaj ka qenë sot i pranishëm në Bari të Italisë, ku ka takuar homologun Antonio Decaro, si dhe ambasadori italian në Tiranë, Fabrizio Buçi.
Sot u inagurua sheshi “Sono persone 8.8.91” në Bari dhe Veliaj ishte i pranishëm. Kryebashkiaku i Tiranës vlerësoi mikpritjen e popullit italian, që iu gjend pranë shqiptarëve në ato ditë të vështira.
“Nuk besoj se ka shqiptarë që ta ketë harruar atë fotografi dhe mikpritjen e popullit të Barit. Ata ishin në plazh, vazhdonin jetën e tyre normale, kur pane një mal me njerëz, per te cilet Italia ishte Universi, hapja ndaj botës”, tha fillimisht Veliaj.
“Më kujtohet shprehja e Guiseppe Verdit që thoshte: “Unë po të kem Italinë, zëre se kam Universin”. Për shumë shqiptarë, që Italinë e shikonin me antenat e sajuara, ajo ishte vertet Universi i tyre”, përfundoi kryebashkiaku i Tiranës.
Ndërsa kryebashkiaku i Barit, Antonio Decaro, u shpreh: “Tirana është një qytet mjaft i bukur. Askush nuk do e kishte vënë re dallimin mes dy kryetarëve të bashkive, mund të ishim fare mirë dy kryetarë bashkish italianë ose dy kryetarë bashkish shqiptarë, nuk do e kuptonte askush përveç faktit që kryetari i bashkisë së Barit nuk flet edhe aq mirë gjuhën shqipe. Por
, ne kemi folur për zhvillimin ekonomik, infrastrukturën, për urat. Ai më solli eksperiencën e pallateve plot ngjyra të Tiranës, që i kanë dhënë edhe një hov të ri atij qyteti, kur Edi Rama ishte kryetar bashkie, dhe nga pikëpamja simbolike, një operacion që po kërkojmë ta realizojmë me artistë ndërkombëtarë e vendas”.
