Kryetari i Bashkisë së Lushnjës, Fatos Tushe ka rënë në prangat e forcave RENEA ditën e sotme në kuadër të operacionit masiv anti-korrupsion që po zhzvillohet në të gjithë vendin.
Operacioni ka filluar që në orët e para të mëngjesit dhe është mbështetur nga Policia e Shtetit dhe forcat RENEA. Ndërkohë, kontrolle janë kryer edhe në institucionin e Kadastrës dhe ndërmarrjet e tjera publike.
Deri tani mësohet se janë arrestuar të paktën 15 persona me dyshimet për korrupsion dhe shpërdorim detyre.
Emrat e disa prej personave të arrestuar:
Fatos Tushe
Flamur Peqini
Xhemal Hasko
Blerta Turuku
Ani Simoni
Andri Mushaj
Margarita Gjermeni
Bujar Murati
Ibrahim Lami
Xhemal Hasko
Gazment Çela
Kujtojmë që Fatos Tushe vazhdon drejtimin e bashkisë së Lushnjës që prej vitit 2019. Po atë vit, në ditën e fundit të vitit, atij iu bë attentat me granatë në zrën e tij. Për ngjarjen u akuzua ish-shoferi i kryebashkiakut, Gëzim Saraçi për të cilin u tha se merrej me trafik të lëndëve narkotike.
Fatos Tushe ka shërbyer si deputet i Parlamentit për zonën e Fierit; anëtar i Partisë Socialiste, anëtar në Komisionin e Prodhimit, Tregtisë dhe Mjedisit. Ai ka qenë kryetar i Bashkisë Lushnjë edhe në vitet 2007-2009. Ka qenë pjesë e parlamentit në vitin 2011, por më pas hoqi dorë nga mandati i deputetit për të kandiduar në zgjedhjet lokale atij viti.
