Presidenti i Serbisë, Aleksandar Vuçiç, ka deklaruar se dëshiron që rajoni i Ballkanit, të ketë marrëdhëniet më të mira të mundshme.
Në një deklaratë të fundit të tij, Vuçiç u shpreh: “Unë u përpoqa dhe bëra më të mirën time me Ana Bërnabiçin, Ivica Daçiçin Nikola Selakoviçin, për t’u përpjekur të kemi marrëdhënie sa më të mira në rajon. Ideja e “Mini-Shengenit” është pozitive, ne e kuptojmë njëri-tjetrin shumë mirë “, tha Vuçiç për “TV Happy”.
Gjithashtu, presidenti serb përmendi shembuj të turistëve që vizitojnë vendet fqinje. Mes të tjreash, kreu i Serbisë tha: “Shoh se kjo ide i shqetëson shumë në Evropë, sepse ata nuk mund të menaxhojnë më, ne i marrim vendimet tona”, thotë Vuçiç.
Kreu i shtetit serb beson se ideja e bashkëpunimit rajonal është shumë e rëndësishme për popujt e Ballkanit. “Ne popujt ballkanikë, kemi qenë shënjestra për të minuar fuqitë e mëdha. Ballkani u përket popujve ballkanikë dhe jo fuqive të mëdha”.
Ndërsa tri ditë më parë, kryeministri i Kosovës, Albin Kurti, tha: “Ajo çka nuk duhet të bëjmë është që mos ti i ikim përgjegjësive tona me veprime që në fund krijojnë më shumë konfuz mes nesh dhe na japin mundësi dhe palëve të tjera që gjëra të tilla t’i shfrytëzojnë. Kështu është ideja e NoviSadit apo Shengeni i Vogël. Ajo është iniciativë që s’ka vizion për rajonin dhe si e tillë Kosovën e refuzon aspër dhe i inkurajon të gjithë të kthehemi në agjendën e BE”, tha Kurti.
