Policia ka marrë me forcë dhe e ka shoqëruar në komisariat një avokat nga Lezha. Ai quhet Gjergj Neli dhe sipas, deklaratës së bashkëshortes, ishte në zyrën e avokatisë duke punuar, kur është dhunuar nga patrulla e policisë. Bashkëshortja e tij zëvendës kryetare e Dhomës së Avokatisë, Shaqe Marinaj denoncoi uniformat blu për dhunën e përdorur.
Për shkak se kishte vendosur dy stola ne hyrje të zyrës për arsye të Covid-19, avokati ishte denoncuar nga një banor i pallatit ku ndodhet zyra.
Spas bashkëshortes së tij, Marinaj, efektivët e policisë e kanë dhunuar avokatin dhe e kanë çuar në komisariatin e Lezhës pa arsye.
Ajo ka kërkuar që të veprohet menjëherë ndaj policit që ushtroi dhunë. Marinaj deklaroi se ka bërë gati padinë për SHÇBA, duke kërkuar që të sekuestrohen kamerat e sigurisë për të evidentuar dhunën që është ushtruar ndaj saj dhe avokatit Gjergj Neli.
Policia e Lezhës akoma nuk ka njoftuar zyrtarisht se çfarë po ndodh me avokatin Neli.
/GazetaReforma.com/
