Kandidati i PD për Lezhën, Agron Gjekmarkaj ka thënë se ai do të bëjë gjithçka për të mërzitur kryeministrin. Gjekmarkaj than ë një intervistë për Top Channel se PD nuk do e lërë bosh parlamentin pasi duhet të mbrojë pozicionet e veta. Sipas Gjekmarkajt, PD duhet të mbrojë përfaqësimim e qytetarëve madje edhe të asaj pjese që iu ble vota.
“Në mënyrë që këto të jenë vërtet të kombinuara të jenë bindëse por mendoj se shumë shpejt demokratët dhe qytetarët do të jenë kudo për tu përballur me këtë hajdutëri të pazakontë të vjedhjeve në Shqipëri. Ne nuk do ta lëmë bosh Parlamentin, ne duhet të mbrojmë pozicionet tona. Duhet të mbrojmë përfaqësimin dhe vullnetin e qytetarëve shqiptarë madje dhe të asaj pjese që iu ble dhe iu trukua vota. Por, sigurisht këto zgjedhje nuk do të njihen nuk do pranohen, por Parlamenti nuk do të jetë bosh”, tha Gjekmarkaj.
Më tej Gjekmarkaj deklaroi se zgjedhjet nuk janë fituar, por janë vjedhur. Ai tha se PD priste fitore, por pas humbjes ka vend për reflektim tek të gjithë. Gjekmarka tha se gjithsesi lidershipi i Bashës nuk duhet të vihet në diskutim.
“Këto zgjedhje nuk janë fituar se janë vjedhur. A ka vend për reflektim? Sigurisht ne kemi pritur fitore dhe për arsye teknike më saktë inxhinjerike fitorja nuk erdhi dhe vend për reflektim ka, tek Zoti Basha tek unë tek të gjithë. Por nuk mendoj se lidershipi i Zotit Basha vihet në diskutim. Tani nuk është koha të mos krijojë probleme artificiale dhe të spostojmë vëmendjen. Sepse kryeministri është i interesuar që debati të zhvillohet tek Partia Demokratike,” ka thënë Gjekmarkaj.
