Një aksident i frikshëm u regjistrua mbrëmjen e djeshme në urën e Sharrës, në afërsi të Cërrikut.
Një 24-vjeçar me iniciale A.H., goditi me makinë një karrocë që tërhiqej nga një kafshë pune dhe më pas u përplas më një mjet tjetër.
Si pasojë e aksidentit, humbi jetën pronari i karrocës, si dhe një pasagjer.
Shkak për aksidentin u bë një parakalim i gabuar i 24-vjeçarit, çka bëri që të humbte kontrollin e makinës dhe të dilte në korsinë tjetër.
Policia bën me dije se ditën e sotme, i riu që shkaktoi aksidentin është arrestuar.
Njoftimi i policisë:
Specialistët e Qarkullimit Rrugor në DVP Elbasan, në përfundim të veprimeve të para hetimore arrestuan në flagrancë shtetasin:A.H., 24 vjeç, banues në Klos, Cërrik, për veprën penale, ” Shkelje e rregullave të qarkullimit rrugor”.
Shtetasi A.H, mbrëmjen djeshme e rrugën rurale Mollas-Selitë, tek “Ura e Sharrës”, në fshatin Kamuna, Cërrik, duke drejtuar mjetin tip “Benz”, në kushtet e errësirës dhe fushëpamjes së kufizuar në kthesë ka goditur karrocën që tërhiqej nga një kafshë pune dhe më pas ka humbur kontrollin mbi mjetin duke dalë në krah të kundërt ku është përplasur me mjetin tjetër që vinte përballë.
Për pasojë ka humbur jetën shtetasi A.M., 53 vjeç, banues në fshatin Kamuna, Cërrik i cili ishte drejtuesi i karocës dhe shtetasi A.Sh., 48 vjeç, banues në fshatin Lumas, Cërrik, i cili ishte pasagjer në një nga automjetet.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
