Nënkryetari i Partisë Demokratike, Edi Paloka, gjatë fjalës së tij në Kuvendin Kombëtar të zhvilluar sot, foli edhe për demokratët të cilët dolën kundër Lulzim Bashës, ku tha se ata e kanë adresuar gabim problemin.
Paloka tha se Basha nuk është problemi i PD-së për zgjedhjet e 25 prillit, por diçka tjetër. Gjithashtu, u shpreh se ky është naivitet, i shërben vetëm kundërshtarit.
FJALA E PALOKËS:
“Unë do dëshiroja që zgjidhja të ishte aq e lehtë saç e paraqitën disa kolegë tanë pas 25 prillit. Fajtor është Basha dhe problemi u zgjidh. Do dëshiroja që shkaku i humbjes të ishte Basha, unë apo kushdo tjetër nga ne, dhe zgjidhja do të ishte më e lehtë, tha fillimisht Edi Paloka.
Më pas, nënkryetari i PD-së, shtoi: “Kjo nuk është kështu kjo nuk është e vërteta. Pra Rama na i paska fituar zgjedhjet se ato janë më demokratike se ne. Kjo është naivitet. Është ta kërkosh problemin aty ku nuk është.
Duke adresuar gabim problemi edhe zgjidhja që ofrohet është e gabuar. Në këtë mënyrë ne i shërbejnë kundërshtarit tonë. Problemet tona të brendshme kanë luajtur një rol të pakonsiderueshëm në shkallën e manipulimit që bëri Edi Rama”, tha mes të tjerash Edi Paloka.
