Bardhyl Hoxha ishte njëri nga personat e dyshuar për sulm terrorist në itali.
Lajmi u përhap me bujë nga mediat e vendit fqinj.
Informacioni i përhapur shkaktoi jo pa shqetësim te Hoxha dhe familjarët e tij.
Ky i fundit në një komunikim me Ora News bën me dije se është dorëzuar të autoritetet franceze.
Pas verifikimeve ai është lënë i lirë.
Shqiptari shprehet, se familja e tij është shumë e shqetësuar, ndërsa prej 3 ditësh as nuk ka ngrënë e as nuk ka pirë.
“Nuk kam asnjë akuza deri tani, unë u paraqita në polici me vullnetin tim. Sot në orën 2 më thirrën dhe u paraqita u verifikua dhe çdo gjë është në rregull. Unë nuk kam pasur ndërmend të bëj një gjest të tillë. Unë kam ngrënë bukën e Italisë dhe bukën e Francës dhe nuk e shkel me këmbë kurrë sa të jem gjallë. Unë jam paraqitur vetë në polici dhe nga policia franceze nuk ka asnjë thirrje që jam akuzuar, asgjë. Kam qenë sot në Gjykatë dhe padita të dyja mediat shqiptare dhe italiane. Kërkoj imazhin, sepse kam 3 ditë që as kam ngrënë qas kam pirë, familja është shumë e shqetësuar. Kam 5 fëmijë që unë kam gati që i ri prapa me sport dhe ku paskam lëviz unë për të bërë atentate. Nuk arrij dot ta shpjegoj sepse jam i stresuar derisa të mbyllet ky muhabet. Nuk e kam idenë sepse emri im ka dalë në këtë çështje dhe nuk është e vërtetë që kam dhënë dy data të ndryshme të lindjes,”– u shpreh Bardhyl Hoxha.
Në një lidhje telefonike gjatë të shtunës, Hoxha tha se ka dyshime se lajmi është paguar nga Shqipëria.
“Janë akuza falso që mi ka bërë një person nga Shqipëria. Ka paguar lekë,”- tha ai ndër të tjera.
Në lajmin e publikuar në mediat italiane, thuhej se Bardhyl Hoxha së bashku me Bujar Hysën, do të kryenin një sulm terrorist, të ngjashëm me atë të Parisit në 2015-ën.
Hysaj ndërkohë prej 3 vitesh është dënuar për terrorizëm dhe ndodhet në burg.
