Pas Partisë Demokratike edhe Lëvizja Socialiste për Integrim sulmoi Qeverinë, në lidhje me raportin e OSBE/ODIHR, për zgjedhjet e fundit lokale.
Nënkryetari Petrit Vasili, tha se ky raport është vula e votimeve më të turpshme dhe faqja më e zezë e shkruar ndonjëherë në historinë e zgjedhjeve në Shqipëri.
“Raporti i OSBE është autopsia e kufomës-shtet që krijoi Edi Rama.
Ky raport është vula e votimeve më të turpshme dhe faqja më e zezë e shkruar ndonjëherë në Shqipëri.
Zgjedhjet e 30 Qershorit ishin të paligjshme, antikushtetuese dhe në kundërshtim me dekretin e Presidentit” u shpreh Petrit Vasili.
