Një tjetër operacion për riatdhesimin e shqiptarëve nga Franca është realizuar nga Policia e Shtetit, duke kthyer në atdhe 49 shtetas shqiptarë, mes tyre edhe familje me fëmijë, teksa mësohet se për të realizuar suksesshëm operacionin mori pjesë edhe FRONTEX.
Policia bën me dije se operacionet për riatdhesimin e shtetasve shqiptarë të cilëve u është refuzuar kërkesa për azil apo që kanë shkelur rregullat e qëndrimit në hapësirën SCHENGEN vijojnë çdo javë.
Nga 49 shtetasit: 5 janë kthyer nga Luksemburgu dhe 44 nga Franca, teksa veç bashkëkoordinimit Francë – Belgjikë dhe Francë – Holandë, kësaj radhë kanë marrë pjesë Luksemburgu dhe eskorta e Policisë Kufitare shqiptare.
Ndërkohë, Ministria e Brendshme dhe Policia e Shtetit kanë apeluar edhe njëherë për të gjithë ata shtetas që synojnë të udhëtojnë në hapësirën SCHENGEN, me qëllim kërkimin e azilit, të mos bëjnë përpjekje të kota, pasi shanset për azil janë zero.
