Mbrëmjen e djeshme, djali i Isa Mustafës, liderit të LDK, u kërcënua nëpërmjet një mesazhi në rrjetet sociale.
Besnik Mustafa publikoi mesazhin, së bashku me emrin e dërguesit, Bekri Kryeziu.
Ky i fundit kërcënoi Mustafën, duke i thënë: “Kam më të kall për së gjalli”.
Kryeziu ka mohuar të ketë bërë diçka të tillë, duke shpjeguar për “Insajderin”, se i kanë keqpërdorur profilin e Facebook-ut.
Ai ka kërkuar gjithashtu ndihmë, duke thënë se është kërcënuar.
“Kërkoj ndihmë nga ju, ju lutem më ndihmoni, janë duke ma keqpërdor adresën e FB. Në emrin tim e kërcënojnë djalin e Isa Mustafës, unë nuk jam njeri që kërcënoj, unë nuk jetoj në Kosovë, unë jetoj në Zvicër. Ju lutem më ndihmoni, po më kërcënojnë edhe mua. Kërkoj falje publikisht edhe pse nuk kam qenë unë, ju lutem më ndihmoni”, ka thënë Bekri Kryeziu.
“Un nuk kam kërcënuar, unë punoj furrtar natën, ditën kam pak kohë e shfrytëzoj me familjen. Kam një djalë 13 muajsh e tash asht në gjumë, kam frikë me shku me flejt, po frikësohem”, vijon Kryeziu.
Kujtojmë këtu se ditën e djeshme u arrest anëtari i “Nismës”, Haxhi Hoti, pasi shkroi në rrjetet sociale, se Albin Kurti ose duhet të lërë Kosovën, ose do të vritet.
