Duket se vendi ynë përveçse po i riktheht normalitetit, po i rikthehet edhe ngjarjeve kriminale që karakterizojnë shoqërinë tonë.
Së fundmi, një 36-vjeçar banues në Bathore të Tiranës është arrestuar nga policia, pasi gjatë kontrollit në banesë i është gjetur një armë zjarri automatike dhe municion luftarak.
Në një njoftim për mediat, Policia e Shtetit bën me dije se materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.
Gjatë 4-mujorit të parë të këtij viti, nga shërbimet e Komisariatit të Policisë Kamzë janë goditur 8 raste të armëmbajtjes pa leje dhe si rezultat janë sekuestruar 8 armët e zjarrit dhe municion luftarak.
Njoftimi i plotë
Goditet një tjetër rast i armëmbajtjes pa leje. Vihet në pranga një 36-vjeçar që mbante armë zjarri në banesë.Sekuestrohen në cilësinë e provës materiale, një armë zjarri automatike dhe municion luftarak.Gjatë 4-mujorit të parë të këtij viti, nga shërbimet e Komisariatit të Policisë Kamzë janë goditur 8 raste të armëmbajtjes pa leje dhe si rezultat janë sekuestruar 8 armët e zjarrit dhe municion luftarak. Shërbimet e Komisariatit të Policisë Nr. 5, në vijim të punës për kapjen e personave që qarkullojnë me armë zjarri apo i mbajnë ato në banesë dhe goditjeve të njëpasnjëshme të realizuara kundër armëmbajtjes pa leje, kanë marrë informacione në rrugë operative se një i ri në Bathore mbante armë zjarri në banesë. Bazuar në këto informacione u organizua puna dhe falë ndërhyrjes së shpejtë e profesionale u bë e mundur që gjatë kontrollit të banesës së personit të dyshuar, të gjendej arma e zjarrit kallashnikov dhe një sasi municioni luftarak, si dhe të kapej e arrestohej në flagrancë poseduesi i armës, shtetasi shtetasi L. M., 36 vjeç, banues në Bathore. Materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.
