Lëvizja Socialiste për Integrim ka ankimua në Kolegjin Zgjedhor vendimin e KAS, për zgjedhjet e 25 prillit në qarkun e Gjirokastrës.
Me anë të një shkrese zyrtare Lëvizja Socialiste për Integrim kërkon rrëzimin e vendimit të KAS.
LSI-ja kërkoi ripërtëritjen e zgjedhjeve për Qarkun e Gjirokastrës në Bashkinë e Dropullit dhe shpalljen e pavlefshme të zgjedhjeve për gjithë qarkun.
KAS i rrëzoi këto vendime duke lënë në fuqi rezultatin e zgjedhjeve të 25 prillit. LSI hodhi akuza gjatë shqyrtimit të çështjes në KAS për moslejimin e emigrantëve për të votuar në zgjedhje si dhe kishte indicie edhe për votim të dyfishtë.
Kujtojmë se pas përfundimit të numërimit të kutive në zonën e Beratit ku LSI-ja nuk i mori votat që pretendonte, ka qenë përfaqësuesi i LSI-së Endrit Braimllari i cili është shprehur se masakra elektorale e 25 prillit vazhdoi edhe në KAS. Braimllari thotë se LSI bëri publike fakte se si në 24 kuti të Beratit u evidentuan 115 shkelje të rënda të cilat e bënin procesin të pavlefshëm, por KAS vendos ndryshe.
Braimllari thekson se çdo institucion po hesht, por LSI nuk do të ndalet në zbardhjen e së vërtetës. Gjithashtu ai ka bërë përgjegjësin kryesor të kësaj Edi Ramën. Braimllari thotë se edhe subjektet e OFL jo vetëm i përdorën në fushatë por dhe i emëruan në administratë publike.
