Komisioneri europian për zgjerimin, Oliver Varhelyi, ka folur nga foltorja e Kuvendit të Shqipërisë, ku i është drejtuar shqiptarëve me një mesazh.
Varhelyi menjëherë pas mbërritjes në Tiranë për një vizitë zyrtare dhe pas prezantimit të Progres-Raportit të KE-së, ka premtuar se Komisioni Europian do të qëndrojë pranë vendeve të Ballkanit Perëndimor dhe do të punonte fort që vendet e rajonit të bëhen shtete anëtare të Bashkimit Evropian.
“Më vutë në një pozitë të vështirë së pari sepse më dhatë një vend ku besoj se duhet të ulen monarkët dhe unë nuk jam i tillë. Është nder. Dëshiroj që të përçoj një mesazh të qartë që do ta sjellim këto ditë në Ballkanin Perëndimor.
Ne do ju qëndrojmë pranë, jemi me ju e do jemi me ju, do punojmë fort që të jeni shtete anëtare të BE. Ballkani Perëndimor ka qenë përparësi për këtë komision. Që prej ditës së parë që filluam punë kemi qenë të angazhuar për të sjellë rezultatet.
E ardhmja e gjithë rajonit është në BE dhe interesi jonë strategjik t’ju sjellim më afër. Sa i përket dy objektivave të para ne kemi marrë disa masa të rëndësishme”, ka deklaruar Varhelyi. /GazetaReforma.com/
