Një ish ushtar serb rrëfen se gjatë luftës së Kosovës me Serbinë , kufomat e shqiptarëve transportoheshin nga varrezat masive me traktorë dhe më pas shkriheshin nga makineritë.
“Më duket ka qenë maji, nuk më kujtohet saktësisht kanë kaluar shumë vite, e kam të shënuar në kartel përmes Deutsche Ëelle, duke ndjkur televizionin mësuam për një varrezë masive mes Izbicës dhe Kodërnicës, nga komanda u urdhëruam të shkojmë dhe ta gjejmë atë vend, kur mbërritëm në atë vend takuam një grup civil, nuk ishin ushtarë, shumica ishin romë, ishte një traktor që nxirrte kufomat, pra hapësira Izbicë Kodërnicë, e kam saktë vendin të shënuar në kartelë. Kufomat i ngarkonin në një kamionë të madh ushtarak, ne kemi arritur në ditën e tretë, domethënë kur përfundonin dhe rrafshonin terrenin, I pyetëm çka po bëni?, thanë po i lëvizim, i pyetëm ku? Na thanë drejt Mitrovicës, nuk qëndruam më shumë se 10 minuta” pohoi ish ushtari serb.
Dëshmitari serb tregon se në atë vend ishin vrarë rreth 140 persona, trupat e të cilëve u copëtuan nga makineri ndërsa shton se faktin mund ta vërtetojnë dhe dëshmitarë të tjerë.
“Ka dëshmitarë tjerë jo nga ky, por në një teren tjetër, në bazë të hulumtimeve tona të pakta, një pjesë e kufomave ka përfunduar në Smederev (Serbi) në shkritore, ashtu siç kanë shkrirë tanket dhe pajisjet ushtarake pas luftës. Nga ana e shqiptarëve nuk ka dëshmi, nuk kemi pasur kamera për të fotografuar, mund të flasim vetëm nga shënimet zyrtare që i kemi marrë, kemi qenë në atë terren dhe as nuk kemi ditur se aty ka pasur varreza masive, bëhet fjale për 140 njerëz që i kanë vrarë”, tha dëshmitari serb.
Ish ushtari serb fajësoi serbët e Kosovës për çka u ka ndodhur kosovarëve.
“Sipas njohurive, policia atje e përbërë nga serbët kosovarë, pikërisht ata në 90% të rasteve janë fajtor për atë që ka ndodhur edhe para luftës, ata kanëkeqtrajtuar popullatën shqiptare. Pra ato nuk kanë qenë formacione paraushtarake, ato kanë qenë njësite të mbrojtjes territoriale që përbëheshin nga banorët lokal, njerëz nga Kosova” rrëfen dëshmitari serb.
\Gazetareforma.al/
