Një banesë në Durrës është përfshirë nga flakët pak momente më parë.
Ngjarja është regjistruar në lagjen nr.14 të qytetit.
Mësohet se gazi i rrjedhur nga një bombol, është shkaktar i flakëve.
Si pasojë e shpërthimit ndërkohë, ka mbetur e plagosur në 83-vjeçare me iniciale S.S.
Kjo e fundit është dërguar menjëherë në spital, për të marrë ndihmën e nevojshme mjekësore.
Në vendngjarje ndërkohë ka shkuar grupi hetimor dhe po punon për zbardhjen e rrethanave.
Ky është rasti i dytë brenda ditës së sotme, pasi edhe në Lushnje u plagosën një çift të moshuarish, si pasojë e shpërthimit të një bombole gazi.
