Pas grevës së djeshme në aeroportin e Rinasit, janë arrestuar tre nga kontrollorët.
Tre personat e arrestuar janë Flora Ndreca, Muhir Mezini dhe Armando Fezga, dhe akuza që rëndon ndaj tyre është ajo e shpërdorimit të detyrës.
Atyre iu është komunikuar masa e arrestit në ambientet e komisariatait, ku edhe janë mbajtur prej 12 orësh.
Bëhet me dije se tre personat në fjalë u arrestuan pasi dyshohen si organizatorët e grevës, ku kontrollorët shpallën paaftësinë për punë pas pushimit të kolegëve të tyre.
Më herët avokati i kontrollorëve, Rezart Kthupi deklaroi se akuza për shpërdorim detyre nuk qëndron pasi Albcontrol nuk është sh.a. që është pjesë e administratës shtetërore.
”Shpërdorimi i detyrës është një term që përdoret për administratën shtetërore nuk e di arsyetimi që bën prokuroria për ta konsideruar si ‘Shpërdorim Detyre’. AlbControl është një sh.a që nuk pjesë e administratës shtetërore”, tha ai.
Në ambientet e policisë u shoqëruan edhe 24 persona të tjerë, ndërsa një pjesë e tyre u lanë të lirë ditën e sotme. Ministri i Mbrojtjes Niko Peleshi deklaroi mëngjesin e sotëm se ishte marrë vendimi nga Komiteti i Mbrojtjes Civile që ngarkonte ministren Belinda Balluku për zëvendësimin e kontrollorëve të Rinasit me kontrollorë të huaj apo shqiptarë
