Një 21-vjeçar me iniciale E.K. ka humbur jetën, pasi ka rënë nga lartësia e banesës së tij.
Ngjarja e rëndë është regjistruar në orët e vona të natës së djeshme, në rrugën “Halit Haxhia” në Babrru.
Pavarësisht se u dërgua me urgjencë në spital, i riu nuk mundi dot të mbijetone.
Nga dyshimet paraprake, 21-vjeçari vuante nga probleme të shëndetit mendor dhe kohët e fundit kishte marrë ilaçe për depresionin.
Grupi hetimor ndërkohë po punon për zbardhjen e rrethanave të ngjarjes.
Tiranë/Informacion paraprak
Më datë 04.05.2020, rreth orës 23:50, në rrugën “Halit Haxhia”, në Babrru/ Kamëz, ka rënë nga lartësia e banesës së tij shtetasi E. K., 21 vjeç, i cili është dërguar menjëherë në spital në gjendje të rendë shëndetësore, ku më pas ka ndërruar jetë.
Grupi hetimor vijon punën për përcaktimin e plotë të shkakut të kësaj ngjarjeje.
Paraprakisht dyshohet se ky shtetas vuante nga probleme të shëndetit mendor, pasi muajt e fundit merrte mjekime për depresionin.
